ارويني بحبك ارويني
ياأعز وأغلى من عيني
ف بحورك غرقني الشوق
والقلب اتملى بشحوني
دقاته تناجي دقاتك
وف صورتك أعرف ايه لوني
وف صمتك أسمع إحساسك
وبصوتك أشعلتي حنيني
والدنيا بتضحك تتبسم
لو جاني خيالك يناجيني
بالروح نتلاقى نتكلم
والواحد دايب في التاني
مع بعض بننسى ونتهنى
دنيتنا عشانك وعشاني
مليانه بالحب وأزاهيره
كلها أحاسيس تملا كياني
ما فيهاش أغراض ولا مصالح
مليانه اخلاص ويا تفاني
علاقتنا في سموها أعلى
من أكبر إحساس إنساني
حبنا يتفرق ع الدنيا
الكل نصيبه غير التاني
موضوع: ارويني بحبك 
السبت يوليو 12, 2008 6:22 pm
